Ɛeblaṭif
Dayen frant ɣef Ɛeblaṭif
Win akken yerwan lḥif
Yessuhel ur d-yettuɣal
Tirrugza ternuḍ nnif
Ɣur-s zgan d aɣilif
Deg lxir i yettnawal
Zher-ines, yewwi-t wasif
Acḥal netta yeshetrif
Tazmert-is tecba uffal
Tudert-is tga d inifif
Kra ur t-id-teṭṭif
Tsebbel-it, tefka-t i yiḥumal
Iɣder-it zzman ungif
Issekri-as asurif
Almi i as-yesbur amellal
Malek Houd Tazmalt ass n 02/12/2023
Aghucaf's Blog 